Presidenti Ilir Meta e cilëson si një lajm të mirë për të gjithë shqiptarët vlerësimin e shkrimtarit Ismail Kadare me çmimin “Nonino 2018” në Itali.
“Një ogur i mbarë për Shqipërinë europiane dhe kontribut i çmuar për arritjen e qëllimit të saj madhor: Integrimin në Bashkimin Europian”, shkruan Meta në Facebook.
Ceremonia zyrtare e dorëzimit të çmimit do të mbahet më 27 janar në Ronchi di Percoto, në Udine, ku Kadare do të tërheqë personalisht çmimin.
Çmimi “Nonino” jepet si shenjë mirënjohje për ndikimin në kulturë dhe letërsi.
