Kreu i opozitës Lulzim Basha ka reaguar pas dhënies së çmimit Nobel për Letërsinë, austriakut Peter Handke.
Përmes një postimi në Twitter, Basha shprehet se kjo është një ditë trishtuese për vlerat tona.
“20 vjet më parë shërbeja në ekipin e Gjykatës Ndërkombëtare të OKB-së për ish-Jugosllavinë që ngriti padinë kundër Milosheviçit për krime lufte dhe gjenocid.
Të shohësh që Çmimi Nobel shkon te dikush që mbrojti dhe justifikoi autorin e tmerreve më të mëdha në Evropë pas Holokaustit është tronditëse dhe e tmerrshme. Ditë e trishtuar për vlerat tona”, shkruan kreu i PD-së Lulzim Basha në rrjetet sociale.
