Partia Demokratike është e bindur se qeveria dhe kryeministri Rama përmes rritjes së paralajmëruar të çmimeve të naftës, gazit dhe energjisë elektrike fsheh krizën e vërtetë politike.
Në një intervistë për ABC, nënkryetarja e PD, Jorida Tabaku flet për një faturë të rëndë që kjo rritje çmimesh do të reflektojë në buxhetet familjare.
“Qeveria në këtë moment duke u përpjekur të mbulojë një krizë të qeverisjes, një krizë te sektorit energjitik që nuk ka lidhje me atë që po ndodh në tregjet ndërkombëtare është duke vepruar në panik e sipër.”
Tabaku kujton zotimet e pambajtura të Ramës kur rriti energjinë elektrike.
“Çmimi i energjisë elektrike për të gjithë qytetarët u rrit me 24 për qind. Pa asnjë bazë. U tha që do të reduktoheshin humbjet, ato sot janë 20 për qind…”
Ndërhyrjet e propozuara nga demokratët i sheh si një mundësi që qeveria të mos bien në keqmenaxhimin e krizave të mëparshme.
“Nuk po e shohim këtë si diçka politike, po e shikojmë si diçka që lidhet me të ardhmen e ekonomisë, me stabilitetin e buxhetit, por edhe me qëndrueshmërinë afatgjatë.”
Përmes një plani me 7 pika, kreu i opozitës Basha ka propozuar heqjen e taksës prej 240 lekë për litër karburanti, ulja e TVSH-së nga 20% në 6% për ushqimet, faturimi me çmime dhe sasinë reale të konsumit dhe subvencionim i çmimit të energjisë për qytetarët.
