Çmenduria e blerjeve në kampionatin kinez, me urdhër të shtetit?

Kjo merkato dimërore e futbollistëve ka shkaktuar një risi të pazakontë. Shumë yje të futbollit europian janë transferuar në kampionatin kinez. Mund të përmendim këtu Ramirez të Çelsit, Paulinjon e Totenhem, Zhervinjon e Romës apo Fredi Guarin të Interit.

Dhe, këto blerje duket se nuk do të ndalen.

Raportohet se futbolli kinez ka investuar më shumë miliona euro se “Premiera League” angleze për këtë periudhë transfertash dimërore.

Duket se këto blerje janë inicuar nga vetë shteti kinez, që kërkon ta kthejë futbollin në një sport popullor.

Për këtë mjafton të shohësh edhe shpenzimet dhe nismat shtetërore:  50.000 qendrat stërvitore të ndërtuara rishtaz, taktika e futbollit si një lëndë e detyrueshme në shkolla, me ligje shtetërore.

Presidenti Xi Jinping është tifoz i madh i futbollit dhe kështu dëshiron që Kupa e Botës 2026, ose 2030, të zhvillohet në vendin e tij.

Tashmë europianët duhet të tremben nga tregu kinez i futbollistëve.