Gazetari i lajmeve në televizionin kombëtar Top Channel, Ilir Paço ka ngritur një stuhi reagimesh në rrjet pas gjestit të tij më të fundit.
I njohur për qendrimet e tij pro greke, Ilir Paço këtë herë ka shkuar larg duke i dhënë “zemra” statuseve për terroristin Kostandinos Kaçifas, i cili mbeti i vrarë në Bularat.
Sikur mos mjaftonte kjo, spikeri i lajmeve Paço ka shkruar: “i pavdekshëm” referuar figurës së Kaçifas.
Kaq është dashur dhe rrjeti ka hyrë në profilin e tij duke e sharë e ofenduar.
Por, Ilir Paço, i cili paguhet nga një televizion kombëtar shqiptar dhe mbron një ekstremist grek, nuk e ka duruar gjithë këtë dhe thjesht ka mbyllur rrjetet sociale për mos u përballur me gjithë reagimet e shqiptarëve.
Mirëpo, faqe të ndryshme në rrjetet sociale i kanë ruajtur “zemrat” e Ilir Paços për Kaçifasin, si dhe komentet e lavdishme ndaj tij.
Sigurisht që as komentuesit dhe as mediat nuk do merreshin me këtë akt, nëse Ilir Paço nuk do të ishte një prej folësve kryesor, në “prime time” në edicionin e lajmeve të televizionit Kombëtar Top Channel.
