Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Çifti i bashkëshortëve u përlesh me grabitësit (film + foto)

Nga 27.al 0

Burrë e grua janë lënduar me armë zjarri në lagjen Allias në kryeqytet. Çifti Petrit dhe Afërdita Laze ndodheshin brenda banesës së tyre, kur disa persona kanë hyrë për të grabitur para në shtëpinë e tyre.

Çifti i bashkëshortëve, prindër të dy fëmijëve, kanë pikasur grabitësit, me të cilët janë përleshur. Autorët kanë qëlluar drejt çitit me armë zjarri. Gjithë ngjarja ka ndodhur në prani të vajzës së çiftit të bashkëshortëve, por fatmirësisht ajo nuk ka pësuar asnjë lëndim.

Ndërkohë autorët kanë mundur të largohen, bashkë me një shumë parash, që kanë arritur të marrin në shtëpinë e çiftit.

Ngjarja ka ndodhur në vilën e tyre, në rrugën “Njazi Meka“.

Mësohet se gjendja e të plagosurve është e rëndë, pasi burri, i cili është rreth 60 vjeç, ka marrë një plagë të rëndë në zonën e barkut, ndërsa e shoqja një plagë në këmbë.

Policia e Shtetit dhe ekipe të repartit “Shqiponja” ngritën pika të shumta kontrolli, për të kapur autorët. Gjithashtu mësohet se janë sekuestruar kamerat e sigurisë për të bërë të mundur identifikimin e grabitësve.

Tashmë ngjarja sipas grupit hetimor, është klasifikuar si grabitje, ndërkohë që policia shoqëroi disa persona, të cilët mund të kenë dijeni për këtë ngjarje të rëndë.

/abcnews.al/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej