Matuidi është rikuperuar, Verrati pothuajse e sigurtë që nuk do të jetë në fushë. Me Pastoren ende me probleme, treshja e mesfushës pritet të përbëhet nga Mota, Matuidi dhe i riu Rabiot. Përpara tyre Lukas dhe Di Maria, ndërsa në majën e sulmit Ibrahimoviç dhe Kavani që do ta nisë sërish nga stoli. Mbrojtja do të përbëhet nga David Luiz, Thiago Silva, Markinjo dhe Maksuell. Kjo është situata e Paris SG, në prag të ndeshjes së sotme të Champions League, që do të luhet në Londër. Por edhe Hiding ka disa probleme me Çelsin e tij. Sezon i përfunduar për Zumën, Terri ende nuk është i rikuperuar plotësisht, ndërsa Diego Kosta do të duhet të sakrifikojën për të qenë në fushë pas një dëmtimi, ndryshe gjithçka do të mbetet në dorë të të riut Traore, i cili luajti dhe madje shënoi në fundjavë. Në mbështetje të spanjollit do të jenë Uillian, Fabregas dhe Hazard, ndërsa pas tyre si “pasqyra” Matiç dhe Mikel. Ne qendër të mbrojtjes Ivanoviç dhe Kahill, ndërsa dy “fashat” Azpilikueta i djathtë dhe Baba Rahman në krahun tjetër. Gjithçka për të mos u humbur në “Stamford Bridge”…
