Sot në mbrëmje do të luhet ndeshja e kthimit gjysmëfinale të Champions League, ku do të mësohet dhe finalisti i parë në ndeshjen e kthimit mes Juventusit dhe Monakos.
Skuadra e drejtuar nga Allegri vjen pas një fitoreje të konsiderueshme 2-0 në fushën e Monaco-s. Por trajneri i bardhezinjve deklaroi se llogaritë e kualifikimit në finale nuk janë mbyllur ende.
Ndërsa trajneri i Monaco-s, Leonardo Jardim deklaroi se skuadrës së tij i duhet të bëjë diçka ekstra në përballjen me torinezët nëse dëshiron të jetë në finalen e Cardiffit.
Monaco nuk ka fituar asnjë ndeshje në Itali, ndërkohë që edhe Juventus nuk ka bilanc të mirë me ekipet franceze pasi ka vetëm 1 fitore në 11 sfidat e mëparshme me knockout.
