Manchester City ka fituar 5-3 ndaj Monaco dhe bën një hap drejt kualifikimit në çerekfinalet e Ligës së Kampioneve.
Ishte Sterling i cili shënoi me portën e boshatisur, pas pasimit të marrë nga Sane, autor i një aksioni mbreslënës. Përgjigja e Monaco erdhi pesë minuta më vonë me golin e shënuar me kokë nga Radamel Falcao.
Pesë minuta para fundit të pjesës së parë, 18-vjeçari Mbappe shënoi golin e dytë për Monaco dhe me shifrat 1-2 u mbyll pjesa e parë. Sapo nisi pjesa e dytë, Monaco e pati mundësinë për të mbyllur llogaritë, por Radamel Falcao gaboi nga pika e bardhë e 11-metrave.
Shifrat shkuan në 2-2 kur u mbush një orë lojë dhe Sergio Aguero tundi rrjetën “i ndihmuar” nga reagimi i dobët i portierit Subasic. Gjithsesi, tre minuta më vonë, Falcao e shleu gabimin duke shënuar golin e tretë për miqtë, pas duelit të fituar me Stones.
Megjithatë, pikërisht kur fatet e City në Champions League dukeshin të kompromentuara, erdhën tre gola në 20 minutat e fundit që kthyen rezultatin në mënyrë të pabesueshme nga 2-3 në 5-3. Aguero, Stones dhe Sane shënuan golat për ekipin e Pep Guardiola, në një natë të jashtëzakonshme.
https://youtu.be/uLtqg0bJvQw
