Dëmtimi i Dembelesë në sulm ndoshta mund të duket sikur nuk rëndon shumë, por ndërkohë është një zgjedhje më pak në pankinë për Barcelonën dhe për trajnerin Ernesto Valverde është një humbje jo e vogël.
Por duke pritur edhe faktin që skuadra e tij do të sulmohet që në fillim nga Liverpuli dhe duke analizuar ndeshjen e parë në “Camp Nou”, ideja e trajnerit katalanas është ajo e ndryshimit të skemës taktike, duke kaluar nga 4-3-3 në një 4-4-2 më të ekuilibruar, sidomos në mesfushë dhe ai që do të paguante do të ishte një prej ishëve, Felipe Kutinjo.
Ideja e Valverdes është ajo që duke lënë mënjanë të paprekshmit Mesi dhe Suarez në sulm, në mbrojtje, kundrejt ndeshjes së kaluar ta nisë me Semedon nga minuta e parë në korsinë e djathtë dhe duke kaluar në mesfushë, sërish në të djathtë Roberton, përkrah Busketsit, Rakitiçit dhe Vidalit. Në këtë mënyrë, spanjollët do të kishin më shumë muskuj dhe më shumë forca për të tentuar frenimin e sulmeve të Liverpulit që në mesfushë dhe jo duke rrezikuar si në ndeshjen e parë në 30 metrat e fundit.
/Panoramasport/
