Dy golat e Higuain vendosën ndeshjen parë të gjysmëfinales së Champions League. Juventus arrin të fitojë 2:0 ndaj Monaco-s në “Stade Louis II”.
Dani Alves dhuroi dy asiste fantastikë për argjentinasin Higuain, i cili nuk i fali vendasit, teksa e dërgoi dy herë topin në portën e tyre.
Monaco zhvilloi një 90 minutësh të mirë, duke krijuar disa raste për shënim, por pa mundur të thyej mbrojtjen dhe mbi të gjitha portierin legjendar Gianluigi Buffon, i cili pas këtij takimi e ka çuar në 624 minuta rekordin e bardhezinjve në këtë sezon pa pësuar gol në Champions League, si askush më parë.
Tashmë janë edhe 90 minuta për t’u luajtur, ku mund të ndodh gjithçka, megjithatë mund të thuhet se Juventusi është “me një këmbë” në finalen e Cardiff-it.
https://www.youtube.com/watch?v=Bw9j5jxqZeg
