Presidenti amerikan Donald Trump refuzoi menjëherë të marrë pjesë në debatin e ardhshëm presidencial pasi Komisioni për Debatet sugjeroi që përballja të ishte virtuale, dhe jo fizike, siç kishte qenë herën e kaluar.
Donald Trump tha të enjten në mëngjes se nuk do të marrë pjesë në një debat virtual me kandidatin demokrat për President, Joe Biden.
“Jo, unë nuk do ta harxhoj kohën me një debat virtual,” shtoi Presidenti, i cili prej disa ditësh tashmë është prekur dhe është duke u trajtuar për Covid 19.
Gjendja e Trump pasi qendroi për 72 orë në spitalin ushtarak duket të jetë e qendrueshme, megjithatë kjo nuk ka bërë që komisioni i debateve, të mendojë një përballje direkte në një sallë mes tij dhe Biden.
Kujtojmë se në debatin e parë mes Trump dhe Biden nuk pati një fitues të qartë, ndërsa shumë prej komenteve e cilësuan përballjen mes dy kandidatëve për presidentë si kaotike.
Natën e kaluar është mbajtur edhe debati i parë në mes të dy kandidatëve për pozitën e zëvendës-presidentit në Shtetet e Bashkuara.
Kandidatja demokrate për këtë pozitë, Kamala Harris, është përballur me nënpresidentin aktual të SHBA-së, Mike Pence, për një varg çështjesh, ndonëse koronavirusi ka qenë në qendër të tyre.
