Lidhur me çështjen “Tahiri” ka reaguar zëdhënësja e Komisionit Europian, Maja Koçijançiç, e cila deklaroi se pritshmëria e Brukselit është që hetimi dhe të gjitha hapat e nevojshme të ndërmerren në përputhje me standardet ndërkombëtare.
Koçijançiç tha se Bashkimi Europian do ta monitorojë këtë çështje nga shumë afër.
“Ju e dini që Komisioni Europian përgatit raportin e tij vjetor, ku kjo do të jetë në një vëzhgim të rreptë, duke qenë se lufta kundër krimit të organziuar dhe reforma e drejtësisë janë prioritete”, u shpreh Koçijançiç.
Ditën e djeshme, me kërkesë të Prokurorisë, oficerët e Policisë Gjyqësore kontrolluan për dy orë banesën e ish-ministrit të Brendshëm, Saimir Tahiri.
