Presidenti Bujar Nishani do të mbledhë ditën e premte Këshillin e Sigurisë Kombëtare, më datë 3 shkurt, ora 12.00.
Kjo vjen për shkak të kërkesës së bërë nga Kryetari i Kuvendit Ilir Meta i cili pak ditë më parë i kërkoi Presidentit Bujar Nishani për mbledhjen e Këshillit të Sigurisë Kombëtare për shkak të Kelmend Balilit. Në kërkesën e Metës artikulohej se institucione si Policia kanë dështuar në kapjen e të shumë kërkuarit Balili.
Presidenca sqaron që “… ekziston shqetësimi i partnerëve amerikanë dhe të tjerë ndërkombëtarë, të cilët paraqesin rezerva në drejtim të punës së organeve përgjegjëse për shkak të mosndalimit të Balilit në kohë dhe zbatimit të detyrave të përcaktuara në akte ndërkombëtare dhe legjislacionin vendas”.
