Një aksident i rëndë me pasojë vdekjen e një personi si dhe plagosjen e katër të tjerëve ka ndodhur mesditën e sotme në aksin rrugor Cërrik- Gostimë në afërsi të fshatit Shtërmen.
Viktima është shtetësja Kamela Hoxha 20 vjeç. Ndërsa katër personat e plagosur janë dërguar me urgjencë në spitalin Kirurgjik të Elbasanit dhe ndodhen në rrezik për jetën.
Në aksident janë përfshirë dy mjete, mjeti tip “Volkswagen ” me targa AA 015 MR drejtuar nga shtetasi S.H, 24 vjeç banues në fshatin Thanë dhe mjeti tip “Ford” me targa AA 123 BE drejtuar nga shtetasi N.H, 58 vjeç banues në Cërrik.
Policia po vijon hetimin për zbardhjen e plotë të shkaqeve të ngjarjes.
