Që herët në mëngjes në Presidencë kanë nisur përgatitjet për kalimin e detyrës nga presidenti në largim Ilir Meta te presidenti i ri, Bajram Begaj. Sikur duken dhe në foto jashtë institucionit të Presidencës është vendosur podiumi dhe karriget, ku do të ulen të ftuarit, të cilët do të marrin pjesë në ceremoninë. Bëhet me dije se, 4.000 të ftuar do të jenë të pranishëm në ceremoninë e marrjes së detyrës të Bajram Begajt si Presidenti i ri i vendit Mes të pranishmëve, do të ketë shefa shtabi të ushtrive të NATO-s, me të cilët Begaj ka bashkëpunuar kur ishte në krye të Shtabit të Përgjithshëm. Sipas burimeve, mes të ftuarve do të ketë mjekë, akademikë dhe pak politikanë. Risia e kësaj ceremonie është zhvillimi në bulevardin “Dëshmorët e Kombit” dhe jo te hyrja e godinës së Presidencës. Gjithashtu Bulevardi “vishet” me flamuj kuqezi për ceremoninë e dekretimit të Presidentit të ri Bajram Begajt.
Presidenti i ri, Bajram Begaj, pritet të mbërrijë në ambientet e Presidencës në orën 19:30 më pas aty do të luhet Himni kombëtar e pas kësaj Vitore Tusha do t’i dorëzojë Presidentit Kushtetutën. Më herët në orën 18:00 do të mblidhet Kuvendi, ku do te behet betimi dhe seanca do ta drejtohet nga kryetarja Lindita Nikolla. Me mbërritjen në sallën e seancave plenare të deputetëve, ambasadoreve dhe Presidentit te ri, drejtuesja e seancës Lindita Nikolla do lexojë formulën e betimit. Pas leximit të formulës, Begaj do të betohet para deputetëve, ky moment do të shënoje edhe marrjen e fuqisë së plotë si kryetar i ri i shtetit nga presidenti i ri, i cili do të mbajë edhe një fjalë përshëndetëse. Pas betimit dhe fjalës para deputetëve ceremonia pritet te zhvendoset në një tjetër godinë atë të Presidencës ku presidenti në detyrë Ilir Meta do ti dorëzoj detyrën Bajram Begaj u zgjodh me 78 vota në raundin e katër dhe u propozua nga Partia Socialiste.
