Qeveria e re e Republikës Çeke rrezikon të izolohet nga Bashkimi Evropian. Mediat e huaja bëjnë me dije se shkak për një vendim të tillë mund të bëhet fakti se në këtë shtet ka shumë ministra të cilët nuk dinë anglisht, gjuhën e punës në BE.
Administrata e re e cila mori detyrën një javë para Krishtlindjes, ka dhënë idenë e një imazhi “të njollosur dhe të turpëruar me aftësi të dobëta anglishtfolëse.”
Ndërkohë shqetësimi është ngritur nga gazeta “Hospodářské Noviny”, e cila ngriti shqetësime për fenomenin dhe mënyrën se si “qeveria e Fialës do të përballojë kur vendi ta marrë presidencën e radhës së BE-së në korrik, një përgjegjësi që sfidon aftësinë e ministrave për të komunikuar me politikanët e huaj.”
Ndër të tjera, raportohet se disa ministra kyç nuk ishin të aftë të flisnin gjuhën angleze për të komunikuar me zyrtarë të lartë të BE-së. Pesë nga 18 ministra të kabinetit pranuan se flisnin pak anglisht dhe thanë se do të mbështeteshin te përkthyesit gjatë tubimeve evropiane.
