Nga Bledian Koka
Çamëri na dogji malli
Ka një politikan që e ka mjaft për zemër çështjen çame, aq sa bën deklarata e qëndrime të përmuajshme, madje edhe kur ndodhet për vizitë zyrtare në shtete të tjera. Ky është… Prokopis Pavlopulos, presidenti i Greqisë. Edhe sot, gjatë vizitës në Podgoricë, në mënyrë të përsëritur ai i quajti çamët nazistë.
Asgjë e re nga fronti i jugut; në Tiranë, asnjë reagim, asnjë protestë zyrtare, si gjithmonë. Kompleksi i inferioritetit i diplomacisë sonë vijon njësoj pavarësisht se në krye të MPJ është vendosur dikush “1 mijë herë më i ditur se presidenti i Republikës”, i cili është “më i përgatitur se të gjithë paraardhësit e tij”, “kryediplomati më i merituar i Shqipërisë”, mosdekretimi i të cilit ishte “një gabim historik”!
p.s…kë të qaj më parë, Ministrin e Jashtëm apo Kryeministrin e Brendshëm?
