Gent Cakaj u ka dhënë fund fjalëve se do t’i bashkohet Partisë Demokratike të Kosovës, pas dorëheqjes në Tiranë. Cakaj ka thënë që për një kohë të gjatë nuk do t’i bashkohet asnjë partie politike në Kosovë.
“Unë nuk planifikoj të bëhem pjesë e asnjë partie nuk do të garojë në zgjedhjet e ardhshme. Përderisa unë do të mbetem në politikë dhe nuk e di ende saktësisht si, a do ta vazhdojë në shoqëri civile apo zë i pavarur…”,- tha ai në Kanal 10.
Cakaj ka zbuluar se me çfarë do të merret tani që është si zog i lirë në qiell të hapur.
“Gjithçka do të merr trajtë me kohën, por unë nuk do të jem pjesë e politikës në Kosovë. Kjo është personale, por fokusi im primar do të jetë mbyllja e studimeve të doktoratës, të cilat më kanë mbetur anash”, shtoi ai.
