Edmond Spaho: Rama ofendoi me fjalor banal jo vetëm opozitën por edhe gjykatën dhe prokurorinë
Byroja e Kuvendit ka rrëzuar kërkesën e PD për të përjashtuar me 10 ditë kryeministrin Edi Rama nga punimet e seancave plenare. Mbledhja e Byrosë që mori vendimin për të rrëzuar këtë kërkesë me 5 vota pro dhe vetëm 2 vota kundër, ka nisur në orën 18: 00, dhë ka përfunduar në 18:30.
Edmond Spaho, nënkryetari demokrat i Parlamentit, në përfundim të mbledhjes së Byrosë tha se ushtarët e bindur të Ramës nuk përjashtuan Ramën edhe pse fjalori i përdorur prej tij ndaj opozitës ishte i papërshtatshëm.
Spaho: Ushtarët e bindur të Ramës kur kanë dënuar deputetët e opozitës sot vendosën që mos ta dënojnë kryeministrin. Madje kur po diskutonin u duk se po propozonin që kryeministrit t’i japim gojë ëmbëli i parlamentit për fjalorin që iu drejtua opozitës në seancën parlamentare, ku e cilësoi tufë bagëtish në aleancë më forcat e errëta dhe të gjitha forcat që kundërshtojnë reformën në drejtësi. Në këtë debat, Rama ofendoi me fjalor banal jo vetëm opozitën por edhe gjykatën dhe prokurorinë duke i cilësuar përfaqësuesit e saj, trafikantë, kriminelë, horra, derdimenë, vrasës dhe një mori epitetesh të denja për fjalorin e një kryeministri. Këto epitete gurgulluan edhe nga ministria e Brendshme të cilit kur i lirojnë të atin gjykatësit dhe prokurorët i duken ëngjëj, kurse kur i pezullojnë Hakiun, po këta njerëz i duken lugetër.
