11.6 mld lekë është buxheti që qeveria ka parashikuar për Ministrinë e Zhvillimit urban për vitin 2017, ku pritet që t’i jepet prioritet procesit të stehimit për familjt në nevojë përmes kredive të buta.
Në Komisionin Parlamentar të Veprimtarisë Prodhuese, ndër projektet më të rëndësishme, Ministrja Gjermeni vlerësoi programin e strehimit, për të cilat Qeveria parashikon në buxhet fondin 560 mln lekë.
Gjermeni: Kemi parashikuar 560 milion lekë, nga të cilat 120 milion lekë për projektet dedikuar rikonstruksionit të 180 banesave të komunitetit rom dhe egjiptian. Pjesa tjetër, 140 milion lekë do të jetë e alokuar për rehabilimin e godinave ekzistuese të dala jashtë funksionit fillestar me qëllim strehimin e shtresave në nevojë.
