Kryetari i PD-së, Sali Berisha në mbledhjen e grupit parlamentar është ndalur tek buxheti i vitit 2023, që sipas tij është një tjetër fatkeqësi për Shqipërinë.
Sipas Berishës, referuar shifrave të publikuara nga KLSH, Rama dhe ministrat e tij kanë vjedhur në 7 vite 8.2 mld euro.
Lexo edhe: Berisha zbulon sloganin dhe klipin e protestës së 12 nëntorit (VIDEO)
Ish-kryeministri u shpreh se vidhen fonde, ndërsa qytetarët nuk shohin asnjë vepër publike.
“Për çdo vend, debati më i rëndësishëm është debati për buxhetin. Por për Shqipërinë, kjo nuk ndodh, Nuk ndodh për dy arsye. E para se buxheti është i vjedhur para se të votohet. Gjithçka në zëra është falsitet pasi siç kanë faktuar zhvillimet dhe në mënyrë të veçantë KLSH, ai vidhet në masën më të madhe të tij. Ju jeni dëshmitarë sesi në 7 vite sipas KLSH janë vjedhur nga Rama dhe ministrat e tij 8.2 mld euro Ky buxhet është një fatkeqësi e re tjetër se prapa çdo zëri të madh qëndron një vjedhje e madhe. Këta nuk kanë të ndalur.
Por vjedhja me buxhetin është një vjedhje e dyfishtë, është jashtëzakonisht e keqe. Në një anë vidhen fondet dhe përfundojnë në kontot e zyrtarëve dhe qytetarët nga taksat e tyre shohin në vitin e 9, pas 9 buxheteve, shohin publike absolutisht më të pakta sesa të një viti buxhetor. Por nëse shohin publik më të pakta se një viti buxhetor një barrë e tmerrshme rëndon mbi shqiptarët, borxhi që qeveria merre për buxhetin”, tha Berisha.
