Ministri i jashtëm do të takojë autoritetet më të larta greke
Në ditën e parë të vizitës së tij në Athinë, Ministri i Jashtëm, Ditmir Bushati, është takuar me homologun e tij grek Nikolaos Kotzias. Bushati do të ketë sot takime me autoritetet më të larta të vendit fqinj si edhe përfaqësues të opozitës e shoqërisë civile. Ndërkohë nesër shefi I diplomacisë shqiptare do të takohë emigrantët shqiptarë në Greqi.
Në fokus të bisedimeve do të jenë çështjet më të nxehta mes dy vendeve, si ligji i luftës, marrëveshja e kufirit detar, minoriteti grek në Shqipëri, integrimi i Shqipëri të cilat sipas ministrit Bushati nuk pritet të zgjidhen përmes një procesi të lehtë. Para se të niste vizitën e tij në Greqi, ministrit Bushati ju kërkua nga faktorët politikë të vendit të trajtojë atje edhe çështjen Çame.
