Ministri i Jashtëm të Shqipërisë, Ditmir Bushati, tha se bojkotet e parlamenteve që kemi parë në disa vende të rajonit përfshirë vendin tonë, janë pjesë e një rezistence artificiale politike që po u bëhet themelimit të institucioneve të reja që kanë për qëllim luftën kundër krimit dhe korrupsionit.
Bushati deklaroi se klasa të caktuara politikanësh nuk i duan këto ndryshime.
“Kabineti Rama është i vendosur për të vazhduar rrugën drejt zbatimit të suksesshëm të Reformës në Drejtësi, pasi këto ndryshime në sistemin gjyqsor mbështeten nga 93% e qytetarëve”, tha Bushati.
Minsitri shtoi se platforma shqiptare nuk ka të bëjë me qeverinë e Tiranës, por me një akord që arritën tre parti shqiptare në Maqedoni.
“Ky bashkëpunim nuk ka për qëllim të federalizojë vendin, por do të jetë një lëvizje që do të prodhojë rezultate më pozitive për dy grupet etnike në Maqedoni”, tha Bushati.
