Një 52-vjeçar është arrestuar nga policia e Fierit pasi akuzohet për dhunë në familje. Në pranga lidhur me këtë çështje përfundoi qytetari me inicialet M.M që ka ushtruar dhunë psikologjike ndaj gruas së tij dhe më pas e ka kanosur atë me thikë.
“Specialistët për Hetimin e Krimeve në Komisariatin e Policisë Fier arrestuan në flagrancë shtetasin M. M., 52 vjeç, banues në Kreshpan, pasi ka ushtruar dhunë psikologjike dhe ka kanosur me mjet prerës(thikë), bashkëshorten e tij. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.”
Se fundmi, lidhur me ngjarjen materialet i kaluan Prokurorisë së Fierit për zbardhjen e mëtejshme të ngjarjes.
