Policia: 20-vjeçari ka shkelur rregullat e qarkullimit rrugor
Një 20 vjeçar është arrestuar nga policia e Matit, pasi përplasi me makinën e tij një vajzë 17-vjeç.
Aksidenti ndodhi në vendin e quajtur “kryqëzimi i spitalit” në qytetin e Burrelit.
Policia bën me dije se vajza në mometin e aksidentit ishte duke kaluar rrugën.
17-vjeçarja me inicialet A.K. është transportuar menjëherë për në Spitalin e Traumës në Tiranë e cila tashmë është jashtë rrezikut për jetën.
Në pranga ka rënë drejtuesi i mjetit tip “Mercedez Benz” 20 vjeçari, Ardit Xhakrosa nga njësia administrative Rukaj.
Materialet procedurale i kaluan Prokurorisë Rrethit Gjyqësor Mat, për veprën penale “Shkelje e rregullave të qarkullimit rrugor”.
