Italianët me simptoma të koronavirusit mund të përballen me akuza për vrasje nëse ata nuk vetëizolohen. Pacientët e dyshuar me koronavirus marrin gjobë 206 euro nëse dalin dhe mund të përballen me akuza shumë më të rënda nëse infektojnë dikë tjetër.
Sipas mediave italiane, akuza për ‘vrasje të qëllimshme’ mund të çojë në dënim me burg deri në 21 vjet.
“Nëse jam i infektuar, e di që jam dhe kontaktoj me njerëz të tjerë pavarësisht se mund t’i transmetoj infeksionin, atëherë ky është krim”, tha avokati Franco Coppi për gazetën Corriere della Sera.
Mediat italiane i kanë krahasuar dënimet për koronavirusin me dënimet për përhapjen e HIV-it duke kryer me dashje seks të pambrojtur.
Italia ka mbyllur të gjitha dyqanet, përveç farmacive dhe ushqimoreve.
Karantina është në fuqi deri më 3 prill, por zyrtari i lartë i shëndetësisë Walter Ricciardi tha sot se bashkatdhetarët e tij duhet të përgatiten për një ‘luftë të gjatë’ kundër virusit.
