Në 2016 në Shqipëri mbështetja 14 milion euro, Kosova 23 milion euro
Për vitin 2016 qeveria shqiptare do të japë si mbështetje direkte për fermerin 14 milion euro. Aplikimet zyrtarisht janë mbyllur që më 13 prill dhe tashmë 12 mijë fermerë presin të shpallen fitues apo jo. Katër janë drejtimet e përfitimit teknologjia bujqësore, prodhimi blegtoral, mbështetje për tregun dhe mbështetje për kreditimin.
Ndërkohë një situatë krej më ndryshe kemi në Kosovë. Atje këtë vit do të jepen 23 milion euro financime në mbështetje të fermerëve, pra 9 milion më shumë se në Shqipëri. Aplikimet për të përfituar janë shtyre deri më 10 Maj 2016 dhe përfitues nga gara pritet të jenë 40 mijë fermerë.
Ndërkaq në Maqedoni për vitin 2016 nga 150 milion euro të planifikuara për fermerët, 37 milion do të subvencionohen për vendbanimet shqiptare. Vetëm për të mbështetur kultivimin e duhanit do të shpërndahen 8 milion euro subvencione.
NJë tregues tjetër për të matur mbështetjen për fermerët është sasi e eurove që jepen për një hektarë tikë bujqësore. Sipas shifrave të FAO-s në Shqipëri ndahen dicka më shumë se 5 euro për hektar. Ky tregues në Maqedoni është 110 euro për hektar për të mos folur për Kroacinë ku jepen 260 euro për hektar.
Nëse shkojmë më tej në vendet e tjera të rajonit mbështetja për bujqësinë është edhe më e lartë në një kohë që pasha e sektorit në ekonomi vetëm sa vjen e zvogëlohet.
Po sipas të dhënave të FAO-s në Shqipëri pesha e bujqësisë në ekonomi është 20 për qind, në Kosovë 17 për qind ndërsa në të gjithë vendet e tjera të rajonit është poshte shifrës 10 për qind.
