Bujar Qamili ka rrëfyer betejën e vështirë me koronavirusin. Në emisionin “Abc-ja e mëngjesit”, këngëtari i mirënjohur u shpreh se në fillim kishte lodhje të tmerrshme dhe temperaturë të lartë, por më pas gjendja e tij u përkeqësua dhe ra në gjendje kome për 21 ditë.
“… nuk mbaj mend gjë, por më thonë se më kanë ulur poshtë tek reanimacioni. Kam qëndruar rreth 21 ditë në gjendje kome. As nuk kam marr vesh gjë, veçse kur më ka dalë pas tërë atyre ditëve, erdhi djali me më pa dhe i thashë: Ku jam? Çfarë është bërë.
Bab, tha, nuk ka ndodhur asnjë gjë, pak paqejf, por ka kaluar…, ndërsa sot më thotë që me të tregu se çfarë ke heq më mirë me i thanë vdekjes më merr sesa me jetu ashtu”,- u shpreh Bujar Qamili.
