Bujar Kapexhiu: Më 30 qershor do pengoj votimet! Ju lutem, më dënoni

Bujar Kapexhiu nuk është kursyer të vërë në lojë votimet më 30 qershor. I ftuar në emisionin “Debati në Channel One” të gazetarit Roland Qafoku, regjisori, aktori dhe karikaturisti i mirënjohur tha: “Më 30 qershor unë do të shkoj në qendrën e votimit. Por do shkoj t’u tregoj të tjerëve që të mos votojnë. Do t’i pengoj ata në mënyrë që të dënohem 10 vjet, që të mos shkoj jashtë shtetit. Kam vendosur të mos shkoj më jashtë shtetit. As më bën përshtypje fare. Jam kaq mirë këtu në Shqipëri. Le që nuk më lë gazeta të dal jashtë shtetit, sepse më do çdo ditë një karikaturë”.