Guvernatori i Bankës së Shqipërisë, Gent Sejko bëri publike vlerësimet më të fundit për gjendjen e ekonomisë në vend.
Pas mbledhjes së Këshillit Mbikëqyrës, Sejko tha se përditësimi i analizës ekonomike me statistikat e reja tregon vazhdimin e rritjes ekonomike.
Sejko u shpreh se ekonomia është mbështetur nga rritja e optimizmit të biznesit dhe konsumatorëve vendas, por edhe situata më e mirë në Eurozonë.
Por a mund të jetë kriza politike një kërcënim për ekonominë? Guvernatori tha se kjo do të qartësohet në muajt e ardhshëm.
Guvernatori tha se banka do të mbajë të pandryshuar në 1.25 për qind normën bazë të interesit të paktën deri në fund të vitit, pasi kjo sipas tij ndihmon ekonominë.
