Kryetari i PD, Lulzim Basha ka udhëtuar drejt Brukselit, ku po merr pjesë në Asamblenë Politike të Partisë Popullore Europiane.
Në profilin e tij në facebook Basha shkruan “EPP, si partia më e madhe në Komisionin dhe Parlamentin Europian, luan një rol kyç në politikën e BE-së”
Sipas tij, një nga qëllimet kryesore të takimit është bashkërendimi i aktiviteteve politike gjatë këtij viti, i cili për disa nga partitë anëtare është vit elektoral.
Këtu, Basha ka renditur CDU-në e kancelares Merkel, republikanët francezë dhe Partinë Demokratike të Shqipërisë. “Familja jonë politike do të na ndihmojë dhe mbështesë fuqimisht për fitoren tonë në zgjedhjet e ardhshme”, ka shtuar Basha.
