Gjatë garës së thriatlonit, atleti britanik Xhoni Brounli gati humbi ndjenjat, por u ndihmua për të kaluar finishin nga i vëllai Alistar
Atleti britanik Xhoni Brounli ka humbur mundësinë për të fituar titullin e dytë botëror në triathlonin e Meksikos (një garë olimpike që përfshin not, garë me biçikleta dhe vrap), pavarësisht se është ndihmuar nga vëllai i tij Alistar, i cili e shoqëroi deri në finish, në atë përfundim dramatik të garës. Xhoni ishte në krye dhe dukej se do të kishte një fitore të sigurtë, por vetëm 700 metra përpara vijës së finishit, ai filloi të zbehej në mënyrë të frikshme dhe ishte gati të rëzohej.
Vëllai i tij Alistar, që ishte i treti, jo vetëm që e mbajti, por e ndihmoi ta përfundonte garën, madje i dhuroi edhe vendin e dytë. Shtypi botëror i kushtoi vëmendje të veçantë traumës që mund të sillte edhe pasoja tragjike,ndërsa sakrifica e Alistar u titullua: Brother’s love
