Të shtëna me armë zjarri janë regjistruar mëngjesin e sotëm në rrugën dytësore të autostradës Tiranë -Durrës.
Mësohet se lokali është në pronësi të shtetasit P. L., 49 vjeç, banues në Domje.
Policia sqaron më tej se nga të shtënat nuk ka pasur të lënduar por vetëm dëme materiale ndërsa ende nuk dihen motivet e kësaj ngjarjeje.
Njoftimi i plotë:
Në orët e para të mëngjesit, në rrugën dytësore të autostradës Tiranë -Durrës, në rrethana ende të paqarta është qëlluar me armë zjarri në drejtim të lokalit në pronësi të shtetasit P. L., 49 vjeç, banues në Domje.
Si pasojë e të shtënave nuk ka të lënduar përveç disa dëme materiale përreth.
Grupi hetimor po kryen hetimet në lidhje me zbardhjen dhe sqarimin e rrethanave si dhe po punohet intensivisht për identifikimin dhe kapjen e autorit/ve
Materialet i kanë kaluar Prokurorisë së Rrethit Gjyqësor Tiranë për veprat penale “Prodhim dhe mbajtje pa leje të armëve luftarake dhe municionit”, “Shkatërrimi i pronës”, “Kanosje” dhe “Prishja e qetësisë publike”
