Sekretari i Përgjithshëm i LSI-së, Endrit Braimllari në shenjë solidariteti me banorët e prekur nga tërmetet në qarkun e Korçës është shprehur se duhet të shpallet urgjentisht gjendja e jashtëzakonshme.
Me anë të një postimi në Facebook, Braimllari u bën thirrje organeve të qeverisë qendrore dhe lokale, ministrisë së Mbrojtjes, Prefektit, bashkisë së Korçës, Kolonjës dhe Emergjencave Civile të mos tallen me banorët.
Postimi i plotë:
“Të shpallet urgjentisht gjendja e jashtëzakonshme në zonën e prekur nga tërmetet.
Në shenjë solidariteti me banorët e prekur nga fatkeqësia natyrore e tërmeteve në qarkun Korçës.
Rreshjet e shumta te shiut po përkeqësojnë situanten ndaj ju bëj thirrje organeve të qeverisë qendrore dhe lokale. Ministrisë së Mbrojtjes, Prefektit, Bashkisë Korcë, Kolonjë dhe emergjencave civile të mos tallen me banorët. Të mos bëjnë politikë me fatkeqësinë e tyre po t’u shërbejnë dhe të gjenden pranë jo me çadra që fusin ujë dhe që nuk kanë mundësi ngrohje por ti ndihmojnë banorët, fëmijët, të moshuarit dhe njerëzit me probleme. Të shpallet urgjentisht gjendja e jashtëzakonshme për atë zonë dhe të mos bëjnë fasadë dhe shoë politik.”
