“Çmojmë rolin e çdo force politike në vend dhe ashtu siç konsiderojmë një kauzë të drejtë trajtimin me seriozitet me shumë përgjegjshmëri dhe me realizëm të çështjes së shqiptarëve të Çamërisë.”
LSI distancohet nga qëndrimi i Spartak Brahos, thotë, kryetari i grupit parlamentar të LSI-së Luan Rama. Deputeti i LSI-së Spartak Braho, kishte deklaruar një ditë më parë se koalcioni PS-LSI nuk duhet të pranonte PDIU-në, por LSI duket se zyrtarisht është kundër këtij qëndrimi të deputetit të saj, Spartak Braho. Luan Rama e ka shpjeguar kështu qëndrimin e LSI-së duke u distancuar nga Braho.
“ Është një reflektim i vonuar i z. Braho, tërësisht i tij, që nga ky qëndrim LSI distancohet. Sepse ne nuk e kushtëzojmë partneritetin, angazhimin, bashkëpunimin dhe përgjegjësinë tonë edhe në koalicion me PS nga fakti se sa faktor apo aktor të tjerë përfshihen nga njëra ana. Nga ana tjetër ne çmojmë rolin e çdo force politike në vend dhe ashtu siç konsiderojmë një kauzë të drejtë trajtimin me seriozitet me shumë përgjegjshmëri dhe me realizëm të çështjes së shqiptarëve të Çamërisë dhe gjithçkaje që fokusohet tek ky problem. Kështu që duke e konsideruar këtë gjë një çështje të z. Braho nuk mendoj se meriton më shumë hapësirë”, tha Rama.
