Zëvendës kryeministri, Erion Braçe ka prezantuar sot Drejtorin e Agjencisë Shtetërore të Kadastrës, Artan Lamen.
Gjatë prezantimit Braçe u shpreh se do të vazhdojë beteja për të bërë një punë të mirë njësoj si me legalizimet ndërsa falenderoi zotin Lame për kontributin e tij.
Braçe deklaroi se objektivi i qeverisë është zgjidhja e problemeve me pronat dhe certifikimi i tyre.
“Certifikimi i pronave është prioritet i qeverisë. Kemi bërë një punë shumë të mirë me legalizimet. Është një betejë që do vazhdojë për të përfunduar procesin e legalizimi të objekteve të paligjshme kudo që ndodhen, në periferi apo zona të populluara dhe ajo përvojë duhet të shërbejë për të çuar para proceset që kemi nisur.
Dua të falënderoj zotin Lame dhe të gjithë kontributorët e tjerë. Dua të falënderoj edhe të gjithë drejtuesit e deri sotëm të ZRPP që kanë përballuar një fluks të jashtëzakonshëm në punë për certifikimin e pronave të qytetarëve të Republikës së Shqipërisë. Qoftë ato nga procesi i legalizimeve qofshin toka bujqësore”, u shpreh Braçe.
