Deputeti socialist Erion Braçe ka folur sot në një intervistë televizive për amnistinë fiskale. Sipas tij, është shumë rëndësishme që amnistia fiskale të mos nis zbatimin pa u respektuar më parë rekomandimet e Moneyval. Sipas tij, qeveria duhet të ketë në fokus parandalimin e pastrimit të parave të pista.
“Amnisti fiskale në veprimtari pa përmbushur të gjitha detyrimet për pastrimin e parave të pista nga çdo institucion nuk duhet të nisë, duhet bërë kjo dhe kjo është çështje qeverisëse të bëhet kjo dhe pastaj duke marrë parasysh çdo shqetësim të minorancave dhe shumicave të ecim para. Pa bërë rekomandimet e Komitetit Moneyval nuk duhet të nisë”, tha Braçe.
Braçe ka komentuar edhe çeljen e negociatave. AI tha se çelja e negociatave është një rrugëtim i ri për vendin tonë që kërkon një standard të ri për vendin. Një koment e ka pasur edhe për debatet me ministren e Bujqësisë Frida Krfcën. Braçe tha se nuk ka si qëllim t’i zërë vendin, por shqetësimi i tij është bujqësia.
