Erjon Braçe, deputeti i PS-së, ka qenë i pari që ka marrë fjalën në punimet e sotme të Kuvendit, ku ka kërkuar një interpelancë më ministrin Arben Ahmetaj.
Braçe u shpreh se ka 6 muaj që komunikon me shkresa me ministrin për ligjin e sportit dhe i vlerëson si tallje përgjigjet që ai ka marrë.
“Kërkoj interpelancë për një çështje konkrete me interes publik. Kanë kaluar dy të enjte dhe unë akoma po pres. Është neni 80 i Kushtetutës jo pika 80 e dëshirave të mia. Kemi 6 muaj që komunikojmë me shkresa, me lejoni të them se përgjigjet që kam marrë janë tallje. Bëhet fjalë për ligjshmërinë fiskale të një institucioni të caktuar, për detyrimet që përcakton ligji për sportin që duhet të ishin arkëtuar në buxhetin e shtetit prej vitesh”, – tha Braçe.
Pas tij, fjalën e mori kreu i Kuvendit, Ruçi, i cili u shpreh se ministri ka qenë jashtë vendit dhe javën e ardhshëm do të jetë i gatshëm për interpelancën.
http://www.gsh.al/2018/10/04/brace-ahmetaj-tallet-prej-6-muajsh-svjen-ne-interpelance/
