Kryeministri i Mbretërisë së Bashkuar, Boris Johnson do të qëndrojë në izolim pasi ende ka simptoma të Covid-19.
E premtja pritej të ishte dita e fundit e Johnson në vetë-karantinim, por ai tha se ka temperaturë dhe do të qëndrojë i izoluar. Johnson ka vazhduar ndërkohë punën nga shtëpia ndërsa ishte në karantinë.
Mbretëria e Bashkuar u ka thënë personave me simptoma ose që kanë rezultuar pozitivë për Covid-19 që të qëndrojnë në izolim për shtatë ditë, ose më gjatë nëse ata kanë akoma simptoma. Sipas udhëzimeve tëe Organizatës Botërore të Shëndetit, personat e qeverisë duhet të qëndrojnë në izolim për 14 ditë pasi të shfaqin simptoma.
