Në konferencën me kryeministrin Edi Rama, ministrja e Financave, Delina Ibrahimaj i doli në mbrojtje Bordit të Transparencës së karburanteve duke thënë se vepron mbi fakte.
Në krah të kryeministrit Rama, Ibrahimaj tha se çmimi vendoset duke iu referuar bursës si dhe këmbimit valutor, ndonëse nafta në vendin tonë konsiderohet ndër më të shtrenjtat në Evropë duke mos marrë në konsideratë as uljen në bursa.
Lexo edhe: Protesta e opozitës, reagon për herë të parë Rama: Na turpëruan
“Bordi i Transparencës që përcakton çmimet e hidrokarbureve, së shpejti bën një vit që operon. Ju sfidoj juve dhe mediave, që të nxjerrin fakte. Ju supozoni se çmimet e vendosura janë për interesat e atyre që tregtojnë dhe jo sipas marzhit të çmimit të bursës. Ne kemi ulur marzhin ndjeshëm më shumë se marzhet që operoheshin një vit më parë. Ju thoni; nuk reflektojnë çmimet e bursës. Ju u referoheni naftës bruto që kanë luhatje të ndryshme. Një element i rëndësishëm është dhe ecuria e këmbimit valutor. Bursa kryesohet nga dollari. Një element i rëndësishëm që kalkulohet çdo ditë është dhe kursi i këmbimit. Kur bëhet një analizë, duhet bërë me fakte”, tha ministrja.
