Mauro Ikardi drejt Milanit. Sipas gazetës milaneze “Il Giornale”, kuqëzinjtë janë duke menduar seriozisht për bombën e merkatos.
Interi po përpiqet ta heq qafe me çdo kusht argjentinasin, ndërkohë që destinacioni i tij i mundshëm mund të jetë Milani.
Duke qenë se akordi me Korrean ka ngecur, drejtuesit e Milanit kanë bërë një sondazh për ish-kapitenin zikaltër. Transferimi i Ikardit te rivalët kuqezinj, nuk përbën problem për drejtuesit e Interit, të cilët nuk e shikojnë Milanin si rival për titullin.
I vetmi problem që duhet zgjidhur është mënyra e transferimit. 7 herë fituesit e Champions-it, nuk e kanë luksin të paguajnë 60 milionë euro për 26-vjeçarin, por mund të gjendet një formulë e përshtatshme. Me shumë gjasa, bashkëshortja e Ikardit, Vanda Nara, do të ishte dakord, për transferimin e Ikardit te Milani, pasi do të vazhdonte jetën e saj në Milano, duke mos u shkëputur nga angazhimet e saj. Në orët e ardhshme, priten zhvillime të reja, për sa i përket këtij lajmi të bujshëm. /panoramasport
