“Nëse McGregor e fiton duelin, atëherë për sportin e boksit do të jetë fundi. Do të ishte një shkatërrim për sportin tonë”, ka deklaruar sot boksieri britanik Amir Khan, ish-kampion bote në peshën “welter”.
Përballja mes Floyd Mayweather dhe Conor McGregor do të zhvillohet sot pas mesnate, në Las Vegas.
Më tej, britaniku tha: “Kushdo që fiton këtë përballje do ta çojë sportin e tij në një nivel tjetër. Ai do t’u japë fansave idenë se cilin sport do të ndjekë në të ardhmen, se kush është më i miri”.
Por Khan beson se Mayweather do ta fitojë këtë përballje, pasi është një profesionist, kampion dhe nuk do ta ketë të vështirë ndaj një debutuesi në sportin e boksit.
