Partia Demokratike me anë të kreut të Departamentit të Arsimit, Luçiano Boçi bëri me dije se po ndjek hap pas hapi zgjidhjen e padrejtësisë që i është bërë maturantëve.
Sipas Luçiano Boçit qindra denoncimeve dhe kërkesave konkrete kanë ardhur pranë Partisë Demomratike nga muturantët dhe familjarët e tyre, të cilëve Partia Demokratike do të japë mbështetje të plotë juridike për çdo ankesë tē depozituar.
“Cilido maturant, të cilit i nevojitet përkrahje ligjore për rastin e tij, do të gjejë pranë Partisë Demokratike ekspertët e duhur për dërgimin e çështjes në gjykatë” u shpreh Boçi.
PD i bëri thirrje çdo maturanti që të paraqesë dokumentacionin përkatës pranë Partisë Demokratike, ose në portalin që është hapur për maturantët “Padrejtësia ndaj maturantëve, trego rastin tënd”.
“Duke kuptuar kaosin dhe ankthin e kësaj situate, ju sigurojmë që vetëm përpjekja jonë e përbashkët, do të sjellë e vendosë drejtësi dhe meritokraci për maturantët. Ti sprapsim së bashku hajdutët e të ardhmes së rinisë” përfundon deklarata e Partisë Demokratike.
