Bob Dylan ka vendosur që pas 5 muajsh të pranojë Çmimin Nobel për Letërsinë. Profesoreshë Sara Danius, sekretare e përhershme e Akademisë Suedeze, përgjegjëse për zgjedhjen e fituesve të Nobelit në Letërsi konfirmoi se Dylan do të pranojë çmimin në një ceremoni të vogël, pa prezencën e medias në kryeqytetin suedez, ku 75-vjeçari do të performojë në dy koncerte këtë fundjavë.
Kantautori dhe këngëtari Bob Dylan mori çmimin Nobel tetorin e kaluar me motivacionin për krijimin e shprehjeve të reja poetike në kulturën e këngëve amerikane.
