Një anije me 6000 pasagjerë në Portin e Civitaveçhia në Itali është bllokuar, pasi është dyshuar se dy persona janë me koronavirus.
Mësohet se një çift me origjinë kineze nga Hong Kongu, pasi kishin zbritur në aeroportin e Milanos, kishin marrë anijen në Savona të Italisë.
Të dy pasagjerët janë dërguar me urgjencë në spitalin e Spallanzani ku po marrin trajtimin e duhur.
Pas kontrollit zyrtari i Rojes Bregdetare Vicenzo Leone ka deklaruar: Jemi duke pritur rezultatet e testimeve të kryera. Të gjitha hapat që duheshin realizuar janë ndërmarrë. Situata është nën kontroll dhe për momentin nuk shihet të ketë motive për t’u shqetësuar në bord.
