Kreu i opozitës, Lulzim Basha ndodhet në Milot, pranë protestuesve të cilët kanë bllokuar një nga akset kryesore të vendit.
Kryedemokrati Lulzim Basha ka deklaruar se që sot do të vazhdojë mosbindja civile deri në rrëzimin e qeverisë Rama.
Ai thekson se opozita është e vendosur për të mos lejuar që në vend të zhvillohen zgjedhje farsë, zgjedhje që përdhunohen nga kryeministri Rama.
“Protestues dinjitoz, gardanë të lirisë dhe demokracisë, misionarë të Shqipërisë Europiane. Ju falenderoj për pjesëmarrjen tuaj monumentale këtë të enjte, këtu në Milot dhe të falenderoj në emrin tuaj të gjithë shqiptarët e ndershëm në Tiranë, Elbasan, Durrës dhe Fier që nisin sot aktin e mosbindjes civile. Për të çuar deri në fund betejën që kemi nisur e për ta konkretizuar me fitore”, është shprehur Basha.
Ndërkohë kujtojmë se sot opozita ka bllokuar 5 akse kryesore të vendit.
