Bashkia e Tiranës i ka shumëfishuar taksat dhe tarifat ndaj biznesit
Biznesi i vogël i Tiranës ka dalë në protestë para Bashkisë, për të kundërshtuar rritjen e taksave vendore. Protesta vjen pas vendimit të Baskisë për rritjen me disa herë të taksave dhe tarifave duke nisur që nga fillimi i 2016. Sipas protestuesve vendimi i Këshillit Bashkiak, që rëndon bizneset e vegjël u mbajt i fshehur dhe përk këtë arsye biznesmenët e vegjël bllokuan rrugën përpara Bashkisë Tiranë.
Bashkia e Tiranës i ka shumëfishuar taksat dhe tarifat ndaj biznesit, kryesisht për tabelat dhe zënien e hapësirave publike, por vendimi i këshillimi Bashkiak i datës 30 dhjetor nuk u bë bërë transparent deri në fund të javës se kaluar kur u publikua në media. Taksa e tabelës mbi 2 metër katror shkon 45 mijë lekë, ndërsa për tabelat elektronike kjo taksë shkon 90 000 lekë metër në vit. Më parë tabela elektronike tatohej njësoj nga sipërfaqja me tabelat e tjera. Rritja të madhe kanë pësuar taksat e tabelës edhe për bizneset që janë ish komunat që i janë bashkuara Tiranës.
