Vazhdojnë akuzat e LSI-së ndaj ish ministrit Tahiri për shitblerje votash.
Në një dalje për mediat kandidatja për deputete në Tiranë Eriona Bixha tha sot se Agim Kajmaku dhe nipat e tij po shpërndajnë para në zonën e Vorës dhe po iu bëjnë presion mbështetësve të LSI-së në këmbim të votës.
“Denoncoj drejtuesin e shitblerjes së votave në bashkinë e Vorës, Agim Kajmaku që e ka shndërruar makinën e tij “Volkswagen” në bankë. Çdo natë organizojnë skemën e shpërndarjes së parave shtëpi më shtëpi.
Dy nipërit e tij, Edi Kajmaku dhe Ladi Kajmaku janë njerëzit më të besuar që përgatisin zonën dhe ushtrojnë presion. Ndërkohë shtetasi Rexhep Shehi që lëviz me ‘Benz C-Clas’ dhe Ledio Sorra me ‘Peugot’ mbulojnë shitblerjen e votave në Gjokaj dhe Picar. Po ashtu Dritan Stoka, punonjës i ALUINI-t. I bëj thirrje edhe drejtorit të ALUIZNI-t që të shamngë shpërndarjen e legalizimeve në këtë periudhë për vota. I bëj thirrje publike Policisë së Shtetit, të marrë masat e nevojshme për t’i thënë stop këtij fenomeni të paskrupullt.”- akuzoi Bixha.
Bixha u shpreh se LSI është në dijeni të plotë të skenareve kundër kësaj partie dhe nuk do e lejoj kuursesi shitblerjen e votave.
“Jemi në dijeni të plotë edhe për skenarët ndaj aktivistëve të LSI-së nga ish-drejtues të policisë dhe ish-ministri Tahiri. Kurrsesi nuk mund të blejnë votat, lirinë dhe dinjitetin e vajzave e grave e të rinjve të bashkisë së Vorës”, – deklaroi Bixha.
