Nga Ermal Baja
Ndërkohë me plakun e moçëm nga Çamëria që ju kam folë dhe here tjetër, xha Anfiun, i vazhdojmë bisedat e politikës ndërkombëtare kur takohemi në xhami dhe dashur pa dashur rrjedha na çon tek vatanet m’at’anë kufirit, atje ku i qan syri plakut të shkretë. Po se mos vetem plakut. Vendlindjen e ka bërë Zoti të dhimbshme për të gjithë.
Diskuton gjithë zell sa here që i kap veshi ndonjë kronikë për Çamërinë dhe çamët, me aq sa mund të degjojë një 90-vjeçar, dhe pret nga ne të rinjtë se mos kemi pikasur ndonjë haber të padegjuar nga terrneti, siç i thotë. Mirëpo, ca nga thatësira e lajmeve mbi këtë teme e ca nga halli se na mërzitet kur s’i vemi pas avazit, mundohemi të sajojmë ndonjë histori a lajm, sa për tu gjendur në muhabet.
I lodhur nga politikat kombëtare, plaku e mban mendjen nga zhvillimet e marrëdhënieve të fundit turko-greke dhe i ka varur në një fare mënyre shpresat tek lideri fetaro-shtetar i Turqisë.
-Çish thotë ai i madhi? I ka ngrit aropllanët ë? Kur do gjëmojë?
-Ehh, shumë shpejtë ke për t’ia dëgjuar këmborën, i them. Ai ndaj e bëri dhe aeroportin në Vlorë.
-Hë hë hë, ashtu ë? Jo po harroi.
Në një nga ditët, në xhami shkeli një turist turk që po bënte një tour për qejfin e vet në qytetet shqiptare. Porsa e pikasa nga ishte, e pershendeta, e kapa për dore dhe e shpura direkt tek plaku ynë.
-Shiko kë të kam sjellë xha Anfi… Turk i biri i botës. Ka ardhur për punë të mira.
“Pa hajde k’tu! Nga je? Si ta thonë? Me se merresh?”
“Teacher”, tha turku, gjeneral, përktheva unë.
-Qasu mor’ k’tu! Trim i xhaxhait. “Pa pyete, pyete pak. Ç’ka ndërmënd qeveria turke?”
-Ç’mendim ke per politikën e jashtme turke, e pyes.
“Eh, e ndriti me të brendshmen ai po do merret dhe me të jashtmen tani…” –Why?!
“I ka plasur korrupsioni keq.” (Mosss! Qenka i Gylenit)
-Thotë që…, shteti turk do përdori politika të forta për tu rishikuar kufijtë. “U të dhjefsha politikën thuaj. More armët kur do i nxjerrë?”
-Të pëlqeu Shqipëria, i drejtohem turkut? “Oh, beautiful places. Kam vizituar disa qytete. Mbresëlënëse. Shkodra, Berati, Vlora… Tourin do ta vazhdoj nëpër Greqi më tej. Nesër jam për Korfuz edhe andej shumë bukur.
“Çish thotë për Korfuzin?” –Aty do sjellim një luftëanije thotë.
“Ashtu posi. T’ua bëjmë siç na e bërën në ’45-ën.”
